قال المطرب أحمد سعد:”الناس كان عندها حق تهاجمني لما لبست القميص الشبك في إحدى الحفلات الغنائية، أنا غلطت واعترف بكده ولهم حق يزعلوا مني”.
وأضاف خلال برنامج “بيت السعد” المذاع على قناة “إم بي سي 1″:”القميص الشبك ده كان طالع موضة في إيطاليا، ومكنتش أعرف إن هيكون فيه رد فعل غاضب من الناس عليا، بس فعلا إحنا مجتمع ليه عادات وتقاليد مينفعش أي موضة ننفع نلبسها”.
ولفت أحمد سعد إلى المشكلة كمان إني في الحفلة لبست الحلق مع إني والله العظيم كنت توبت قبلها بـ3 سنين، كنت دخلت في التوبة ومشيت في الطريق المستقيم بس جيت في الحفلة دي وحسيت انها تريند ولبست القميص الشبك والحلق.
وأشار:”الناس حاطيني في مكانة معينة، يمكن فيه ناس تانية تلبس الحلق والقميص الشبك والجمهور يتقبل الموضوع ده معاهم، يعني مثلا عمرو دياب والشاب خالد بيلبسوا حلق ومحدش اتكلم عنهم ولا حصل حاجة أنا لبست حلق الدنيا كلها قلبت عليا”.
بوابة فيتو